“Marsel” bosh murabbiyi Igor Tudor Fransiya kubogi 1/8 finalida “PSJ” ustidan qozonilgan g‘alaba (2:1) haqida fikr bildirdi.

"Ko‘p solishtirishni yoqtirmayman, lekin o‘ylaymanki, biz juda yaxshi o‘ynadik, ayniqsa Liga 1da "Nissa"ga (1:3) qarshi o‘yinga nazar tashlasak. Bugun "PSJ" kabi raqibga qarshi bunday o‘ynaganimizni alohida qayd etishimiz kerak. Futbolchilar faxrlanishi kerak.

"PSJ"ga qarshi o‘z uyida uzilgan mag‘lubiyatlar seriyasi ajoyib narsa. Biz juda kuchli raqibga qarshi turdik, 90 daqiqa davomida bosim o‘tkazish qiyin. Ammo biz yaxshi himoyalanishda davom etdik", - deya Tudor so‘zlarini keltiradi L'Equipe.

“Marsel”ning chorak finaldagi raqibi qur’a tashlash marosimidan so‘ng ma’lum bo‘ladi.