"Chelsi" himoyachisi Tyago Silva London klubining qishki transferlari haqida fikr bildirdi.

Eslatib o‘tamiz, o‘tgan transfer oynasida "Chelsi" rahbariyati yangi o‘yinchilar uchun taxminan 330 million yevro sarfladi va bu yo‘lda portugaliyalikdan ko‘chib o‘tgan argentinalik yarim himoyachi Enso Fernandesni Angliya Premyer-ligasi tarixidagi eng qimmat xaridni amalga oshirdi.

"Faoliyatim davomida hech qachon bunday narsani ko‘rmaganman. Bu klubning ambisiyalari va g‘alabaga tashnaligini ko‘rsatadi. Bu yil bizda jarohatlar ko‘p. "Chelsi"da yangi kelgan futbolchilar ko‘p, ularga tayyorgarlik ko‘rish va ko‘nikish uchun vaqt kerak", - dedi Silva "Chelsi" klubi rasmiy saytiga.

Shuningdek, 38 yoshli futbolchi "ko‘klar" hali ham bu mavsumni muvaffaqiyatli yakunlash imkoniyati borligini ta’kidladi.

APLning 21-turidan so‘ng "Chelsi" 30 ochko jamg‘arib, turnir jadvalida 9-o‘rinda bormoqda. Chempionlar ligasining 1/8 finalida londonliklar Dortmundning "Borussiya" jamoasi bilan kuch sinashadi.