«Manchester Yunayted»ning sobiq himoyachisi Gari Nevill «Manchester Siti» va Xosep Gvardiolaga qarshi o‘z fikrlarini bildirib o‘tdi.
Eslatib o‘tamiz, avvalroq «Siti» «Tottenxem»ga mag‘lub bo‘lgan va «Arsenal» bilan oradagi farqni qisqartirish imkoniyatini qo‘ldan boy bergandi.
«Shporlar bilan o‘yin uchun «Siti»ning tarkibini ko‘rganimda, ular darhol «Arsenal»ga yetib olishmaydi, deb o‘yladim.
Pep Gyundogan va De Bryuyneni zaxiraga olgandi. Bungacha Kanselu jamoadan ketgan. Doimiy tarkib o‘zgarishlari sabab himoyada ham g‘alati tajribalar bo‘ldi.
«Siti» eng yaxshi tarkibga, eng kuchli tarkibga ega, ammo aniq natija kerak bo‘lganda Pep bu o‘zgarishlar bilan «qovun tushiradi», - dedi Gari.
