"Sampdoriya" tarkibni kuchaytirishga harakat qilmoqda. Jamoa bosh murabbiyi Deyan Stankovich klubga ilgari "Real Madrid"da o‘ynagan 29 yoshli ispaniyalik hujumchi Xese Rodrigesni olib kelmoqchi.
U ayni damda Turkiyada "Ankaragyuju" safida o‘ynamoqda, biroq u Yevropaning top chempionatlaridan biriga qaytishga umuman qarshi emas, deb xabar beradi Italiyaning Itasportpress axborot agentligi. Shuningdek, u faoliyati davomida Parijning “PSJ” jamoasida ham o‘ynagan.