Italiyaning «Napoli» klubi bu yil ichki chempionatda raqiblarini yakson qilmoqda, endilikda Luchano Spaletti jamoasi raqiblaridan 13 ochkolik ustunlikka ega.
Shunga qaramay, jamoa darvozaboni Aleks Meret xushyor bo‘lishga, futbolchilar bor e’tiborini jamlashlari kerakligini aytib o‘tdi.
«Murabbiy bizni bo‘shashmasligimiz va to‘g‘ri tempda qolishimizga ishonch hosil qiladi. Yaxshigina ustunlik borligi aniq, lekin oldinda hali ko‘p o‘yinlar borligi ham aniq va biz maksimal ochkolarni qo‘lga kiritishni istaymiz», — dedi Meret.
