«Kremoneze» bosh murabbiyi Aryedo Brayda «Napoli» bilan uchrashuv arafasida ushbu jamoaga hurmat bajo keltirdi. Xvicha Kvarasxeliyaga alohida to‘xtaldi. Gruzinni afsonalar bilan solishtirishdi.

«Raqibda hozir Yevropadagi eng kuchli hujumchilar bor. Ular albatta chempionlikni qo‘lga kiritishadi. Ular muammosiz g‘alaba qozonishadi.

O‘tgan yakshanba kuni «Napoli»ni tomosha qildim. Biz bilan solishtirganda, ular boshqa toifada harakat qilishdi. Kvarasxeliya va Kaka? O‘ylaymanki, Xvicha xuddi shunday darajaga erisha oladi, buning ustiga uni Shevchenko bilan taqqoslash ham mumkin», - deya ta’kidladi murabbiy.

Xvicha A Seriyaning eng yaxshi assistenti hisoblanadi. Futbolchiga hozirdanoq «Barselona» qiziqish bildirgan.