"Arsenal" bosh murabbiyi Mikel Arteta hujumchi Gabriel Jezusning maydonga qaytishga yaqin ekanligini e’lon qildi. Eslatib o‘tamiz, braziliyalik futbolchi jahon chempionatida jarohat olgan, shundan so‘ng u bir necha oyga safdan chiqqandi.

"Gabriel Jezus qaytishga yaqin. Emil Smit-Rou va Ris Nelson haqida ham shunday deyish mumkin. Bu futbolchilarning barchasi asta-sekin faollikka qaytishmoqda - dedi Arteta Angliya Premyer-ligasining navbatdagi turi oldidan o‘tkazilgan matbuot anjumanida.

Jezus joriy mavsum boshlanishidan oldin "Manchester Siti"dan 52,20 million yevro evaziga "Arsenal"ga o‘tgan edi. 25 yoshli braziliyalik futbolchi APLning ushbu mavsumida 14 ta turda 5 ta gol urdi va 6 ta golli uzatmani amalga oshirdi.