"Арсенал" бош мураббийи Микель Артета ҳужумчи Габриэль Жезуснинг майдонга қайтишга яқин эканлигини эълон қилди. Эслатиб ўтамиз, бразилиялик футболчи жаҳон чемпионатида жароҳат олган, шундан сўнг у бир неча ойга сафдан чиққанди.
"Габриэль Жезус қайтишга яқин. Эмил Смит-Роу ва Рис Нельсон ҳақида ҳам шундай дейиш мумкин. Бу футболчиларнинг барчаси аста-секин фаолликка қайтишмоқда - деди Артета Англия Премьер-лигасининг навбатдаги тури олдидан ўтказилган матбуот анжуманида.
Жезус жорий мавсум бошланишидан олдин "Манчестер Сити"дан 52,20 миллион евро эвазига "Арсенал"га ўтган эди. 25 ёшли бразилиялик футболчи АПЛнинг ушбу мавсумида 14 та турда 5 та гол урди ва 6 та голли узатмани амалга оширди.
