Turkiyalik muxlislar argentinalik Mauro Ikardidan hayratdalar.
“Galatasaroy” fanatlari stadionga turk futbolini «yondirish» harakatidagi hujumchining noodatiy portretlari bilan kirishmoqda!
Ma’lumot uchun, Mauro Ikardi ayni payt «Galatasaroy»da ijara muddatini o‘tamoqda. Argentinalik hujumchi mahalliy Superliga doirasidagi 12ta o‘yinda «GolQpas» tizimi bo‘yicha 13 ochko (8ta gol va 5ta samarali uzatma) to‘plash asnosida klubning talabchan fanatlari mehrini qozondi. U jumladan, 1 fevral kuni «Umraniyespor»ga qarshi kechgan 22-tur o‘yinida «dubl» qayd etdi.
Ikardining sermahsul o‘yinlari tezda o‘z samarasi berdi - «Galatasaroy» muxlislari hayratdalar, hattoki, aqldan ozishmoqda, go‘yo. Deylik, ular «Umraniyespor» bilan uchrashuv yakunlangach, argentinalik yulduzning noodatiy portretini baland ko‘targancha butun arenani aylanib chiqishdi. Eng diqqatni tortadigan tomoni shuki, unda Ikardi Turkiya prezidenti qiyofasida tasvirlangan.
«PSJ»ga tegishli «Park de Prenc»da Mauroning bunday suratlari paydo bo‘lishi dargumon. To‘g‘ri, Ikardi katta e?timol bilan Parijga qaytsa kerak, baribir. Har holda, uning «Galatasaroy» bilan ijara shartnomasi joriy mavsum yakunigacha mo‘ljallangan. Eslatma, argentinalik shartnoma bo‘yicha 2024 yilgacha «PSJ»ga tegishli.
