Rimning “Lasio” klubi yarim himoyachisi Luis Alberto Italiya chempionatini Ispaniya La ligasiga o‘zgartirishi mumkin. 30 yoshli futbolchining transferiga "Sevilya" qiziqish bildirmoqda.
Potensial kelishuv summasi 18 million yevroga baholanmoqda. Transfer yozgi transfer oynasida amalga oshirilishi mumkin. Albertoning "Lasio" bilan amaldagi shartnomasi 2025 yilning yoziga qadar mo‘ljallangan.
Italiya chempionatining joriy mavsumida yarim himoyachi 18 ta bahsda qatnashib, 4 ta gol (bittasi penaltidan) va 3 ta golli uzatmaga mualliflik qilgan.