Todofichajes xabariga ko‘ra, «Sevilya» «Lasio» yarim himoyachisi Luis Albertoga qiziqish bildirmoqda.

Manbaning xabariga ko‘ra, futbolchi rimliklar safini tark etmoqchi. Qayd etilishicha, ispan klubi futbolchini qishda transfer qilish bo‘yicha taklif bilan chiqqan, biroq italyan klubi uni sotishni istamagan.

Albertoning «Lasio» bilan shartnomasi 2025 yilning yoziga qadar amal qiladi. 30 yoshli yarim himoyachi joriy mavsumda 24 ta o‘yinda maydonga tushib, 5 ta gol urdi va 4 ta golli uzatmani amalga oshirdi.