Ispaniya La Ligasining yigirma birinchi turidan o‘rin olgan uchrashuvda "Valensiya" o‘z maydonida "Atletik"ni qabul qilib, 1:2 hisobida mag‘lub bo‘ldi. Bu "Valensiya" uchun qatorasiga to‘rtinchi mag‘lubiyat bo‘ldi.

"Valensiya" himoyachisi Xose Gayya klub uchun La Ligada o‘zining 250-o‘yinini o‘tkazdi. Futbolchi klub safida bu natijaga erishgan 22-futbolchi bo‘ldi.

Ispaniya chempionatining navbatdagi, yigirma ikkinchi turida “Valensiya” “Xetafe”ga qarshi mehmonda maydonga tushadi, bu 20 fevral kuni bo‘lib o‘tadi. Jamoa hozirda turnir jadvalida 18-o‘rinni egallab turibdi.