"Napoli" hujumchisi Viktor Osimxen ko‘plab Yevropa gigantlarining radarida. Hammasi yozda transfer bozorida 24 yoshli nigeriyalik futbolchini qo‘lga kiritish uchun jiddiy kurashda ishtirok etishiga to‘g‘ri keladi.
Ma’lumotlarga ko‘ra, "Liverpul" ham Viktor Osimxen uchun kurashga qo‘shildi. Mersisayd klubi ham ushbu futbolchi bilan hujum chizig‘ini kuchaytirmoqchi.
Matbuot avvalroq “Chelsi”, “Manchester Yunayted”, “Nyukasl”, “Real” va “PSJ” Viktor Osimxen uchun kurashayotganini yozgan edi.
Transfermarkt portali ekspertlari forvardni 70 million yevroga baholagan. Hujumchining "Napoli" bilan amaldagi shartnomasi 2025 yilning o‘rtalariga qadar tuzilgan.