Qishki transfer oynasi boshida hujumchi Kodi Gakpo «PSV»dan «Liverpul»ga o‘tdi. 23 yoshli gollandiyalik futbolchi «Enfild»dan kelgan qo‘ng‘iroqdan so‘ng boshqa variantlar uni qiziqtirmasligini aytdi.
«Dekabr oyida «Liverpul»dan menga qiziqish bo‘lgani haqida eshitganimda boshqa hech narsa haqida o‘ylamagandim.
Ehtimol, «Chelsi» tomonidan qiziqish bo‘lgandir, lekin o‘sha paytda men allaqachon qaror qabul qilgan edim», - dedi Gakpo.
Kodi Gakpo «Liverpul» safida 6 ta o‘yinda maydonga tushdi. Hujumchi hali Angliyada samarali harakatlari bilan ajralib turmagan.
