«Everton» bosh murabbiyi Shon Daych darvozabon Jordan Pikford bilan yangi shartnoma imzolashni birinchi o‘ringa qo‘ydi, deb xabar beradi Daily Mail.

Avvalroq «irischilar» Angliya MTJning birinchi raqamli posboniga yiliga 5 million funt sterlingdan ko‘proq pul to‘lashga tayyor emasliklarini bildirgan edi.

Biroq jamoaning yangi bosh murabbiyi Shon Daych «Everton» rahbarlaridan 28 yoshli Pikfordga o‘zi xohlagan maoshni berishni talab qildi, bu esa taxminan ikki barobar ko‘p degani.

Pikford atrofidagi vaziyatni «Tottenxem» va «Manchester Yunayted» diqqat bilan kuzatib bormoqda, agar Pikford mavsum oxirigacha yangi shartnoma tuzmasa, ular taklif bilan chiqishlari mumkin bo‘ladi.

28 yoshli darvozabonning amaldagi shartnomasi 2024 yilning yoziga qadar mo‘ljallangan. Transfermarkt portali futbolchining narxini 28 million yevroga baholamoqda.