“Marsel” safida Fransiya chempionatida o‘ynayotgan Ukraina terma jamoasi yarim himoyachisi Ruslan Malinovskiy Liga 1 doirasida "Klermon" jamoasiga (2:0) qarshi o‘yin translyasiyasi vaqtida uni rossiyalik deb atagan amerikalik sharhlovchining uzr so‘rashiga munosabat bildirdi.

"Fransiyadagi gaz Floridaga ta’sir qilishi mumkin deb o‘ylamagan edim. Afsumdaman. Siz jonli efirda xatoga yo‘l qo‘ydingiz, shuning uchun men ijtimoiy tarmoqlarda emas, keyingi efirda kechirim so‘rashingizni eshitmoqchiman", - deya javob berdi Ruslan sharhlovchining postiga.

Eslatib o‘tamiz, "Klermon" - "Marsel" uchrashuvining boshlanishi ko‘zdan yosh oqizuvchi gaz qo‘llangani uchun qoldirildi.

Liga 1ning joriy mavsumida ukrainalik futbolchi oltita o‘yin o‘tkazib, bitta gol urdi.