Milanning “Inter” klubi markaziy himoyachisi Stefan de Vrey shartnomasidagi vaziyat haqida fikr bildirdi. Eslatib o‘tamiz, niderlandiyalik futbolchi "neradzurrilar" bilan amaldagi shartnomasini uzaytirmasa, mavsum oxirida erkin agentga aylanishi mumkin.

"Inter" rahbariyati bilan yaxshi munosabatdaman, biz haligacha yangi shartnoma borasida muzokaralar olib bormoqdamiz. Keling, kelajakda nima bo‘lishini ko‘rib chiqaylik. Ispaniya klublari meni xohlashadimi? Bu haqda agentim aytdi, ammo hozir bor e’tiborimni "Inter" o‘yinlariga qaratganman", - deydi de Vrey.

Oldinroq Madridning “Atletiko” klubi de Vreyga qiziqish bildirayotgani haqida xabarlar tarqalgan edi.