Миланнинг “Интер” клуби марказий ҳимоячиси Стефан де Врей шартномасидаги вазият ҳақида фикр билдирди. Эслатиб ўтамиз, нидерландиялик футболчи "нерадзуррилар" билан амалдаги шартномасини узайтирмаса, мавсум охирида эркин агентга айланиши мумкин.
"Интер" раҳбарияти билан яхши муносабатдаман, биз ҳалигача янги шартнома борасида музокаралар олиб бормоқдамиз. Келинг, келажакда нима бўлишини кўриб чиқайлик. Испания клублари мени хоҳлашадими? Бу ҳақда агентим айтди, аммо ҳозир бор эътиборимни "Интер" ўйинларига қаратганман", - дейди де Врей.
Олдинроқ Мадриднинг “Атлетико” клуби де Врейга қизиқиш билдираётгани ҳақида хабарлар тарқалган эди.
