Germaniya terma jamoasi va Myunxenning “Bavariya” klubi sobiq himoyachisi Lotar Matteus Chempionlar ligasi 1/8 finalida Yulian Nagelsmann shogirdlari va Fransiya “PSJ”si o‘rtasidagi qarama-qarshilikdan nima kutayotgani haqida gapirdi.
"Bavariya" parijliklarni ortda qoldirib, Chempionlar ligasining ¼ finalida o‘ynaydi. Agar so‘nggi haftalarda "PSJ" atrofidagi yangiliklarni ko‘rgan bo‘lsangiz, hamma narsani tushunishingiz kerak. Nagelsmann jamoasi umuman xavotirga tushmasa kerak. Parij bilan solishtirganda, myunxenliklar hozir eng yuqori pog‘onada. Ular ketma-ket uchta g‘alabaga erishdilar, “PSJ” esa “Marsel” va “Monako”ga mag‘lub bo‘ldi", deydi sobiq futbolchi.
Birinchi o‘yin bugun, 14 fevral kuni Parijda bo‘lib o‘tadi.
