Shakiraga uning yaqinlari Pikening asl yuzini ochib tashlaydigan va ajrashish sabablarini ko‘rsatib beruvchi intervyu qilishni maslahat berishgan. Kolumbiyalik xonandaning o‘zi ham Pike bilan ajralishiga sabablarini butun omma bilan ulashishni istaydi. Pike va Shakira 12 yil davomida birga yashagandi. Endilikda, mashhur qo‘shiqchi muxlislariga asl haqiqatlarni yetkazishni xohlaydi. Bu haqida ispan nashri "20 minutos" xabar tarqatdi. Unda aytilishcha, intervyu Ispaniyada tayyorlanmaydi.

Shakira o‘zining so‘nggi e’lon qilgan "Te Felicito" va "Monotonía" kompozisiyalarida Pikeni to‘g‘ridan-to‘g‘ri tanqid qilgan. Shuningdek, u rep yo‘nalishida aytgan "Bzrp Music Sessions 53" qo‘shig‘i ham Pike va uning yangi jazmani Klaraga qaratilgandi. O‘sha qo‘shiqdan shunday so‘zlar bor: "Men sen uchun haddan tashqari kattalik qilaman. Shu sababli hozir sen o‘zinga o‘xshagan kichkina odamlar bilan yuribsan. Mening o‘zim 22 yoshlilarga loyiqman. Sen esa "Ferrari"ni "Twingo"ga, "Rolex"ni esa "Cacio"ga alishtirding".

Kolumbiyalik yulduz ayni damda Karol J bilan hamkorlikda yana bir qo‘shiq ustida ishlayotgani aytilmoqda. Ayni ushbu trek ham Pikeni yuzini ochib tashlashga qaratilgan.
Hozirda sobiq er-xotinlar sudlashmoqda. Suddan maqsad Barselona shahridagi katta uy va 7, 10 yoshli o‘g‘illari Sasha hamda Milan ustida kechyapti. Shakira o‘z o‘g‘illarini Pikening onasi bilan gaplashishiga ta’qiq qo‘ygan. Bunga sabab sobiq futbolchining onasi Pikeni qo‘llab-quvvatlaganidir. "Barselona" afsonasi hozirda 23 yoshli jazmani Klara bilan yashamoqda. Ularning munosabatlari Instagram'da aks eta boshladi. Ammo Shakira chiqargan qo‘shiqlardan keyin rasmlar o‘chirib tashlandi yoki yashirildi.

ISMATOV J.