Portugaliyalik himoyachi Diogo Dalot "Manchester Yunayted" bilan yangi shartnoma imzolashga yaqin turibdi. Jurnalist Nikolo Shkiraning xabar berishicha, tomonlar muzokaralar olib borgan va yangi uzoq muddatli shartnoma borasida kelishib olgan.

Insayder xabariga ko‘ra, 23 yoshli futbolchining "qizil iblislar" bilan tuzgan mehnat shartnomasi 2027 yilning o‘rtalarigacha hisoblab chiqiladi.

Joriy mavsumda Diogo mankunianliklar safida barcha turnirlar doirasida 25 ta o‘yinda maydonga tushib, 1 ta gol va 3 ta golli uzatmaga mualliflik qilgan.

23-turdan so‘ng “qizil iblislar” APL turnir jadvalida uchinchi o‘rinda bormoqda.