"Roma" sharafini himoya qilayotgan argentinalik hujumchi Paulo Dibala faoliyatini Angliya Premyer-ligasida davom ettirishi mumkin, deya xabar berdi Calciomercato.
29 yoshli futbolchiga "Manchester Yunayted" qiziqish bildirmoqda. “Qizil iblislar” yozgi transfer oynasida Dibalani sotib olmoqchi. To‘lov miqdori 12 million yevroni tashkil qiladi.
O‘z navbatida "Roma" Pauloni sotmoqchi emas va u bilan yangi shartnoma borasida muzokaralar olib borishga harakat qilmoqda.
Italiya chempionatining joriy mavsumida argentinalik futbolchi 16 ta jangda qatnashib, 8 ta gol va 6 ta golli uzatmani amalga oshirgan.
