"Tottenxem" "Milan" himoyachisi Fikayo Tomoriga qiziqmoqda. Calciomercato xabariga ko‘ra, London klubi yozgi transfer oynasida 25 yoshli futbolchi uchun transfer taklifini yuborishi mumkin.
Qayd etilishicha, “Tottenxem” Fikayo Tomori narxini pasaytirish bo‘yicha kelishuvga Emerson Royalni ham kiritishi mumkin.
Tomori - "Chelsi" tarbiyalanuvchisi. Shuningdek, himoyachi Angliyada “Brayton”, “Xall Siti” va “Derbi” klublarida ijara asosida o‘ynagan.
Nufuzli Transfermarkt portali ekspertlari Tomorini 50 million yevroga baholamoqda.
Eslatib o‘tamiz, seshanba kuni "Milan" Chempionlar ligasida "Tottenxem"ni mag‘lub etgandi - 1:0.
