Ertaga Yevropa ligasi 1/16 finalining birinchi o‘yinida "Manchester Yunayted"ga qarshi o‘yinni o‘tkazib yuborgan "Barselona" yarim himoyachisi Serxio Buskets bir haftadan so‘ng "Old Trafford"da bo‘lib o‘tadigan javob o‘yinida tiklanishi mumkin. Bu haqda jurnalist Xavi Migel ijtimoiy tarmoqlarda xabar bermoqda.

Ammo Ispaniya chempionatida "Jirona"ga qarshi o‘yinda jarohat olgan qanot himoyachisi Usmon Dembele "qizil iblislar"ga qarshi har ikkala uchrashuvni ham o‘tkazib yuboradi. Fransiyalik futbolchi 19 mart kuni "Real"ga qarshi o‘yin uchun maydonga qaytishi kutilmoqda.

Eslatib o‘tamiz, "Barselona" va "Manchester Yunayted" o‘rtasidagi ilk o‘yin ertaga "Kamp Nou"da Toshkent vaqti bilan soat 22:45da bo‘lib o‘tadi.