Эртага Европа лигаси 1/16 финалининг биринчи ўйинида "Манчестер Юнайтед"га қарши ўйинни ўтказиб юборган "Барселона" ярим ҳимоячиси Серхио Бускетс бир ҳафтадан сўнг "Олд Траффорд"да бўлиб ўтадиган жавоб ўйинида тикланиши мумкин. Бу ҳақда журналист Хави Мигель ижтимоий тармоқларда хабар бермоқда.

Аммо Испания чемпионатида "Жирона"га қарши ўйинда жароҳат олган қанот ҳимоячиси Усмон Дембеле "қизил иблислар"га қарши ҳар иккала учрашувни ҳам ўтказиб юборади. Франциялик футболчи 19 март куни "Реал"га қарши ўйин учун майдонга қайтиши кутилмоқда.

Эслатиб ўтамиз, "Барселона" ва "Манчестер Юнайтед" ўртасидаги илк ўйин эртага "Камп Ноу"да Тошкент вақти билан соат 22:45да бўлиб ўтади.