"Bavariya" hujumchisi Erik Chupo-Moting kelasi mavsumda ham Yulian Nagelsmann jamoasi safida qoladi. Sport Bild xabariga ko‘ra, kamerunlik futbolchi klub bilan yangi shartnoma borasida deyarli kelishib olgan. Eslatib o‘tamiz, hujumchining "Bavariya" bilan amaldagi shartnomasi mavsum oxirida yakuniga yetadi.
Maosh va muddat bo‘yicha yangi shartnoma shartlari hozircha kelishib olinmagan, biroq futbolchi qolish istagini bildirgan.
Joriy mavsumda Shupo-Moting “Bavariya” safida barcha musobaqalarda 13 ta gol va 4 ta golli uzatmaga mualliflik qildi. Kamerunlik futbolchi 2020 yilning yozidan buyon jamoada to‘p suradi, o‘shanda u “PSJ”dan erkin agent sifatida jamoaga qo‘shilgan.
