"Бавария" ҳужумчиси Эрик Чупо-Мотинг келаси мавсумда ҳам Юлиан Нагельсманн жамоаси сафида қолади. Sport Bild хабарига кўра, камерунлик футболчи клуб билан янги шартнома борасида деярли келишиб олган. Эслатиб ўтамиз, ҳужумчининг "Бавария" билан амалдаги шартномаси мавсум охирида якунига етади.
Маош ва муддат бўйича янги шартнома шартлари ҳозирча келишиб олинмаган, бироқ футболчи қолиш истагини билдирган.
Жорий мавсумда Шупо-Мотинг “Бавария” сафида барча мусобақаларда 13 та гол ва 4 та голли узатмага муаллифлик қилди. Камерунлик футболчи 2020 йилнинг ёзидан буён жамоада тўп суради, ўшанда у “ПСЖ”дан эркин агент сифатида жамоага қўшилган.
