Xabaringiz bor, ayni kunlarda Baxtiyor Ashurmatov bosh murabbiyligidagi "Turon" jamoasi vakillari poytaxtimiz Toshkent shahrida o‘quv-yig‘in mashg‘ulotlarini qizg‘in ruhda davom ettirmoqdalar. Yangi mavsum oldidan tarkibni yanada kuchaytirish maqsadida jamoa o‘z safiga bir qator mahoratli futbolchilar kelib qo‘shilishmoqda. Xususan, Chernogoriya davlati fuqarosi, himoyachi Nikola Kumburovich ham yaypanliklar bilan bir yillik rasmiy shartnomaga imzo chekdi.
"Kumburovich faoliyati davomida «Iskra» va «Buduchnost» klublari safida maydonga tushgan. Jamoamizga «Iskra» klubidan kelib qo‘shilgan himoyachi Chernogoriya davlatining turli yoshdagi terma jamoalari safida ham o‘ynagan.
«Turon» futbol klubi legioner futbolchi Nikola Kumburovichning jamoamizdagi faoliyatida yuksak muvaffaqiyat va zafarlar yor bo‘lishini tilaydi.
«Turon»ning ahil oilasiga xush kelibsan, Nikola!" - deyiladi "Turon" rasmiy bayonotida.
