Argentinalik hujumchi Lionel Messi joriy mavsum oxirida "PSJ"ni tark etishi mumkin.

Manbaga ma’lum bo‘lishicha, 35 yoshli hujumchi agar jamoa joriy Chempionlar ligasida omadsiz ishtirok etsa, parijliklar bilan yangi mehnat shartnomasini rad etishi mumkin.

Yevrokuboklarning 1/8 finali dastlabki o‘yinida parijliklar o‘z maydonida 0:1 hisobida "Bavariya"ga mag‘lub bo‘lishdi.

Bundan tashqari, Messi yaqin do‘sti braziliyalik Neymar jamoani tark etsa, klubini o‘zgartirish haqida o‘ylaydi. Parijliklar 31 yoshli futbolchini sotishni ko‘rib chiqmoqda.

Fransiya chempionatining 2022/2023 yilgi mavsumida Lionel 18 ta o‘yinda maydonga tushib, o‘nta gol urdi va o‘nta golli uzatmani amalga oshirdi.