Madridning “Real” klubi hozircha “Real Sosyedad”da o‘ynayotgan yarim himoyachi Takefusa Kuboni jamoaga qaytarish niyati yo‘q. Relevo xabariga ko‘ra, “qirollik klubi” yaponiyalikning qaytishini muhokama qilish uchun basklar bilan bog‘lanmadi.
Manbaga ko‘ra, Kubo yozda top-klublar orasida katta talabga ega bo‘ladi, ammo "Real Madrid" da’vogarlar qatorida emas. Qirollik klubi Takefusani mavsum boshlanishi arafasida to‘liq sotdi.
Bu mavsumda Kubo Ispaniya chempionatida 4 ta gol urdi va ikkita golli uzatmani amalga oshirdi. Takefusa avvalroq Ispaniyada “Malyorka”, “Vilyarreal” va “Xetafe” klublarida o‘ynagan.
