Milliy terma jamoalarning mart oyidagi tanaffus vaqtida Eron Rossiyaga qarshi o‘rtoqlik o‘yini o‘tkazadi. Bu ma’lumotni Eron futbol federasiyasi rahbari Mehdi Toj tasdiqladi.
O‘yinning aniq sanasi hozircha ma’lum emas, lekin uchrashuv Eron poytaxti Tehronda bo‘lib o‘tishi haqida xabar berildi. Shuningdek, bosh murabbiysiz qolgan Eron Iroqqa qarshi navbatdagi sinov uchrashuvini o‘tkazishni rejalashtirgan.
Eslatib o‘tamiz, Rossiya terma jamoasi FIFA va UYEFA tomonidan barcha xalqaro musobaqalardan chetlashtirilgan edi.
