London klubi matbuot xizmati xabariga ko‘ra, "Tottenxem" bosh murabbiyi Antonio Konte hali jamoa bilan faol ishlashga qayta olmadi.
Shifokorlar unga hozircha uyda qolishni va operasiyadan keyin tizimli ravishda tiklanishni davom ettirishni maslahat berishdi.
Avvalroq italiyalik mutaxassis o‘t pufagini olib tashlash bo‘yicha shoshilinch operasiya o‘tkazgan edi. Murabbiyga xolesistit tashxisi qo‘yilgan.
"Shporlar" 23 o‘yindan keyin 39 ochko bilan APL turnir jadvalida beshinchi o‘rinda bormoqda.
“Tottenxem” navbatdagi uchrashuvini 19 fevral kuni, APLning 24-turida “Vest Xem”ga qarshi o‘tkazadi.
