Лондон клуби матбуот хизмати хабарига кўра, "Тоттенхэм" бош мураббийи Антонио Конте ҳали жамоа билан фаол ишлашга қайта олмади.
Шифокорлар унга ҳозирча уйда қолишни ва операциядан кейин тизимли равишда тикланишни давом эттиришни маслаҳат беришди.
Аввалроқ италиялик мутахассис ўт пуфагини олиб ташлаш бўйича шошилинч операция ўтказган эди. Мураббийга холецистит ташхиси қўйилган.
"Шпорлар" 23 ўйиндан кейин 39 очко билан АПЛ турнир жадвалида бешинчи ўринда бормоқда.
“Тоттенхэм” навбатдаги учрашувини 19 февраль куни, АПЛнинг 24-турида “Вест Хэм”га қарши ўтказади.
