Farg‘onaning "Neftchi" jamoasi bosh murabbiyi Vitaliy Levchenko Qozog‘istonning "Jetisu" jamoasiga qarshi bo‘lib o‘tgan o‘rtoqlik uchrashuvdan keyingi fikrlari bilan o‘rtoqlashdi.
"Yig‘inlar doirasidagi oxirgi nazorat uchrashuvmiz ham biz uchun omadli kechdi. "Jetisu" klubiga qarshi o‘yin shiddatli va to‘p uchun keskin kurashlar ostida o‘tdi. Birinchi bo‘limda Ulug‘bek Hoshimovga nisbatan qo‘pollik ishlatilgani uchun qozog‘istonliklar darvozasiga belgilangan penaltini aniq amalga oshirib, hisobni ochgan bo‘lsak, ikkinchi golimizni o‘yin yakunilanishi arafasida kiritdik. Umumiy qilib aytganda, Turkiyadagi yig‘inlarimiz ijobiy tarzda yakunlanib, uyga ko‘tarinki kayfiyatda qaytmoqdamiz, —dedi bosh murabbiy.
