Фарғонанинг "Нефтчи" жамоаси бош мураббийи Виталий Левченко Қозоғистоннинг "Жетису" жамоасига қарши бўлиб ўтган ўртоқлик учрашувдан кейинги фикрлари билан ўртоқлашди.

"Йиғинлар доирасидаги охирги назорат учрашувмиз ҳам биз учун омадли кечди. "Жетису" клубига қарши ўйин шиддатли ва тўп учун кескин курашлар остида ўтди. Биринчи бўлимда Улуғбек Ҳошимовга нисбатан қўполлик ишлатилгани учун қозоғистонликлар дарвозасига белгиланган пенальтини аниқ амалга ошириб, ҳисобни очган бўлсак, иккинчи голимизни ўйин якуниланиши арафасида киритдик. Умумий қилиб айтганда, Туркиядаги йиғинларимиз ижобий тарзда якунланиб, уйга кўтаринки кайфиятда қайтмоқдамиз, —деди бош мураббий.