Rimning «Lasio» klubi bosh murabbiyi Maurisio Sarri Konferensiyalar ligasi pley-off bosqichi doirasida Ruminiyaning «Kluj» klubiga (1:0) qarshi kechgan uy uchrashuvida hakam Kreyg Pousonning ishidan noroziligini bildirdi.
«Bugungi o‘yinimizdan mamnunman. O‘n uchinchi daqiqada Patrikning chetlatilishi bizga qimmatga tushishi mumkin edi.
Uchrashuvning borishini nazorat qila olganimizdan xursandman. Bizda tashabbus bor edi va hattoki hisobni ikki barobarga oshirishimiz ham mumkin edi.
Afsuski, hakam Yevropa klublari turniridagi o‘yinni boshqarish uchun zarur bo‘lgan darajaga ega emas ekan.
Bu mavzuda gapirishga majbur bo‘lganimdan afsusdaman», - deya tan oldi Sarri.
Rimliklar o‘n uchinchi daqiqadayoq o‘n kishi bo‘lib qolib ketishdi. Patrik o‘z qo‘polligi uchun to‘g‘ridan-to‘g‘ri qizil kartochka oldi.
Birinchi bo‘limning qo‘shib berilgan daqiqalarida Chiro Immobile «Lasio»ga g‘alaba keltirgan golga mualliflik qildi.
