Римнинг «Лацио» клуби бош мураббийи Маурицио Сарри Конференциялар лигаси плей-офф босқичи доирасида Руминиянинг «Клуж» клубига (1:0) қарши кечган уй учрашувида ҳакам Крейг Поусоннинг ишидан норозилигини билдирди.

«Бугунги ўйинимиздан мамнунман. Ўн учинчи дақиқада Патрикнинг четлатилиши бизга қимматга тушиши мумкин эди.

Учрашувнинг боришини назорат қила олганимиздан хурсандман. Бизда ташаббус бор эди ва ҳаттоки ҳисобни икки баробарга оширишимиз ҳам мумкин эди.

Афсуски, ҳакам Европа клублари турниридаги ўйинни бошқариш учун зарур бўлган даражага эга эмас экан.

Бу мавзуда гапиришга мажбур бўлганимдан афсусдаман», - дея тан олди Сарри.

Римликлар ўн учинчи дақиқадаёқ ўн киши бўлиб қолиб кетишди. Патрик ўз қўполлиги учун тўғридан-тўғри қизил карточка олди.

Биринчи бўлимнинг қўшиб берилган дақиқаларида Чиро Иммобиле «Лацио»га ғалаба келтирган голга муаллифлик қилди.