"Napoli" qatorasiga 7ta o‘yinda g‘alaba qozondi.
Luchano Spaletti shogirdlari bugun mehmonda “Sassuolo”ni 2:0 hisobida mag‘lub etishdi. Oxirgi turda “Kremoneze” (3:0), undan oldingi turda “Spesiya” (3:0) mag‘lub etilgandi.
Umuman olganda, A Seriya peshqadami turnirdagi so‘nggi 19 o‘yinda 18 ta g‘alabaga erishgan bo‘lib, ulardagi umumiy hisob 46:11. Sentyabr boshidan buyon bu davrdagi yagona ochko yo‘qotish 4 yanvar kuni "Inter"dan uchralgan mag‘lubiyat (0:1).
A Seriyaning navbatdagi turida “Napoli” 25 fevral kuni safarda “Empoli”ga qarshi bahs olib boradi. 21-kuni esa klub Frankfurtning “Ayntraxt” jamoasi bilan Chempionlar ligasida o‘ynaydi.
