Yozgi transfer oynasida himoyachi Aleksandr Zinchenko «Manchester Siti»dan «Arsenal»ga o‘tgandi.
Bugun bo‘lib o‘tgan «Aston Villa»ga qarshi o‘yinda ukrainalik futbolchi «kanonirlar» libosida birinchi golini urdi.
Mikel Arteta shogirdlari o‘ng qanotdan burchak to‘pini amalga oshirdi. To‘p jarima maydonchasi chizig‘iga yetkazildi, u yerdan Aleksandr Zinchenko o‘ng burchakka keskin zarba berdi. Uning golidan so‘ng hisob 2:2 ko‘rinishiga keldi.
Hozirda Aleksandr Zinchenko «Arsenal» safida 20 ta o‘yinda maydonga tushib, bitta gol va bitta golli uzatmaga mualliflik qilgan.