Ёзги трансфер ойнасида ҳимоячи Александр Зинченко «Манчестер Сити»дан «Арсенал»га ўтганди.
Бугун бўлиб ўтган «Астон Вилла»га қарши ўйинда украиналик футболчи «канонирлар» либосида биринчи голини урди.
Микель Артета шогирдлари ўнг қанотдан бурчак тўпини амалга оширди. Тўп жарима майдончаси чизиғига етказилди, у ердан Александр Зинченко ўнг бурчакка кескин зарба берди. Унинг голидан сўнг ҳисоб 2:2 кўринишига келди.
Ҳозирда Александр Зинченко «Арсенал» сафида 20 та ўйинда майдонга тушиб, битта гол ва битта голли узатмага муаллифлик қилган.
