"Barselona" bosh murabbiyi Xavi Ernandes "Manchester Yunayted"ga qarshi Yevropa ligasi 1/8 finali birinchi o‘yinida jarohat olib, safdan chiqqan Pedrining jarohati haqida fikr bildirdi.
“O‘yinchilar tarkibda mavjud bo‘lmagani har doim achinarli. Pedri biz uchun juda muhim, chunki u maydonda boshqalardan farq qiladi. Biz muhim o‘yinchini yo‘qotmoqdamiz, ammo ijobiy tomoni shundaki, yaxshi alternativalar bor”, — dedi Xavi matbuot anjumanida.
Oldinroq Pedri jarohati tufayli bir oyga yaqin maydonga tusha olmasligi ma’lum bo‘lgandi. Ispaniyalik yarim himoyachi joriy mavsumda 6 ta gol urdi.
