"Барселона" бош мураббийи Хави Эрнандес "Манчестер Юнайтед"га қарши Европа лигаси 1/8 финали биринчи ўйинида жароҳат олиб, сафдан чиққан Педрининг жароҳати ҳақида фикр билдирди.
“Ўйинчилар таркибда мавжуд бўлмагани ҳар доим ачинарли. Педри биз учун жуда муҳим, чунки у майдонда бошқалардан фарқ қилади. Биз муҳим ўйинчини йўқотмоқдамиз, аммо ижобий томони шундаки, яхши алтернативалар бор”, — деди Хави матбуот анжуманида.
Олдинроқ Педри жароҳати туфайли бир ойга яқин майдонга туша олмаслиги маълум бўлганди. Испаниялик ярим ҳимоячи жорий мавсумда 6 та гол урди.
