"PSJ" hujumchisi Neymar joriy mavsum boshlanishidan oldin jamoaga qo‘shilgan va yangi transfer siyosatini ishlab chiqqan klub maslahatchisi Luish Kampush bilan janjallashdi.
L'Equipe xabariga ko‘ra, Kampush bilan suhbat chog‘ida Neymar portugaliyalikning transfer strategiyasi haqida o‘ylagan barcha fikrlarini aytib o‘tgan.
Eslatib o‘tamiz, yozda "PSJ" Nordi Mukiyele, Vitinya, Fabian Ruis, Karlos Soler, Renatu Sanshesh va Ugo Ekitike bilan shartnoma imzolagandi. Bu futbolchilarning hech biri hali Parij klubi libosida o‘zini munosib ko‘rsata olgani yo‘q.
Eslatib o‘tamiz, avvalroq "PSJ" Neymarni kelasi yozda sotmoqchi ekani haqida xabarlar tarqalgan edi. Braziliyalik futbolchiga da’vogarlardan biri Londonning "Chelsi"si ekani aytilmoqda.
