"Vest Xem" yarim himoyachisi Deklan Rays yozgi transfer oynasida jamoasini o‘zgartirmoqchi. Ko‘plab Yevropa gigantlari "bolg‘achilar" sardorini o‘z safiga qo‘shib olishga bel bog‘lagan. Rays ketganidan so‘ng London klubi maydon markazida yaxshi saviyaga ega futbolchi bilan shartnoma imzolashga harakat qiladi.
"Lasio" a’zosi Sergey Milinkovich-Savich "Vest Xem"ning radarida, deb xabar beradi The Sun.
Nufuzli Transfermarkt portali ekspertlari 27 yoshli Sergey Milinkovich-Savichni 60 million yevroga baholamoqda. "Vest Xem" serbiyalik futbolchi uchun kurashishga tayyor, chunki Deklan Rays katta pulga sotilishi mumkin.