O‘tgan yili Osiyo chempionlar ligasidagi guruh bosqichidan muvaffaqiyatli o‘tgan «Nasaf», pley-off bosqichining ilk o‘yinidayoq mag‘lubiyatga uchradi. Ro‘ziqul Berdiyev jamoasi Saudiya Arabistoni chempionatida 3-o‘rinda borayotgan "Ash-SHabab" klubi bilan tengma-teng o‘ynadi, ammo oddiy vaziyatda gol o‘tkazish, imkoniyatlardan foydalana olmaslik va hakamning xatolari evaziga yutqazdi.

Bahsning 12-daqiqasida Hussayn al-Qahtoniy 20 metrlardan zarba yo‘lladi. To‘p yo‘l-yo‘lakay kichik rekoshetga uchradi. Mana shu Abduvohid Ne’matovning gol o‘tkazishiga yetarli bo‘ldi. To‘p darvozabonimizning oyog‘iga tegib, to‘rga borib tushdi.

Shundan so‘ng Oybek Bozorovda 2ta juda qulay imkoniyatga ega bo‘ldi. Ammo "Nasaf" yarim himoyachisi har safar to‘pni yuqoriga tepib yubordi. Bundan tashqari, raqiblar o‘z jarima maydoni ichida Javohir Siddiqovga nisbatan yaqqol fol ishlatishdi. Biroq iordanliyalik referi 2ta penaltini bermadi. Boz ustiga, o‘yinda VAR yo‘q edi.

Ikkinchi bo‘limning 54-daqiqasida Evar Banega tomonidan 18 metrlardan yo‘llangan zarba natijasida to‘p ustunga tegib, to‘rga borib tushdi.

Natijada, "Nasaf" nimchorak finalda 0:2 hisobida imkoniyatni boy berib, turnirdagi yurishini to‘xtatdi.

OCHL, nimchorak final
"Ash-SHabab" - "Nasaf" - 2:0 (1:0)
Gollar: Hussayn al-Qahtoniy (12), Ever Banega (54)
Ogohlantirish: Hassan Tambaktiy (7)