«Arsenal»ning shotlandiyalik himoyachisi Kiran Tirni jamoasini o‘zgartirishi mumkin, «Nyukasl» unga faol tarzda qiziqish bildirmoqda, deb xabar beradi Football Insider.

Jamoa kutilmaganda chempionlar ligasi zonasi uchun kurashga qo‘shildi va bu klub himoyasini kuchaytirishga zarurat yaratadi.

25 yoshli futbolchi Shotlandiyaning «Seltik» klubi tarbiyalanuvchisi bo‘lib, 2019 yilda «Arsenal»ga 25 million funt sterling (taxminan 29 million yevro) evaziga o‘tgan edi.

«Arsenal» tarkibida u allaqachon mamlakat kubogi, shuningdek, Angliya Superkubogi sohibiga aylandi.

U Shotlandiya terma jamoasi safida ham o‘ynaydi - u o‘zining birinchi o‘yinini 2016 yilda o‘tkazgan.