Chorshanba kuni Chempionlar ligasining pley-off bosqichida «Portu» «Inter»ni qabul qiladi.
Portugaliya klubi bosh murabbiyi Serjiu Konseysau «Inter»ni mag‘lub eta olishiga ishonmoqda. U «Portu» tez-tez sensasiyalar yaratgani, jumladan, Chempionlar ligasini ikki marta yutganini esladi.
«Chelsi» bilan kechgan o‘yinni eslayman, o‘shanda biz nohaq mag‘lub bo‘lgan edik, keyin esa «Chelsi» Yevropa chempioni bo‘lgandi.
O‘ylaymanki, bizda «Inter»ni mag‘lub etish imkoniyati bor. Biz bu haqda orzu qilamiz va bu normal holat. Hayotda orzu qilish va orzuni ro‘yobga chiqarish uchun harakat qilish kerak», - dedi Konseysau.
