The Athletic nashrining xabariga ko‘ra, "Chelsi" va yarim himoyachi Meyson Maunt o‘rtasidagi shartnomani uzaytirish borasidagi muzokaralar yozgacha to‘xtatilgan.

Manba bergan xabarga ko‘ra, ayni damda ingliz klubi rahbariyati bor e’tiborini futbol maqsadlariga qaratib, keyin esa 24 yoshli futbolchining kelajagi haqida qaror qabul qilish niyatida.

Eslatib o‘tamiz, Mauntning amaldagi shartnomasi 2024 yilning yoziga qadar tuzilgan. Avvalroq yarim himoyachi angliya terma jamoasi futbolsiga munosib maosh olmoqchi ekani xabar qilingandi.

Maunt joriy mavsumda “ko‘klar” safida 31 ta o‘yinda maydonga tushib, 3 ta gol urdi va 6 ta golli uzatmani amalga oshirdi. Eslatib o‘tamiz, ingliz futbolchisi “Chelsi” bitiruvchisi hisoblanadi.