Huquqlari Turinning «Yuventus» klubiga tegishli bo‘lgan serbiyalik markaziy hujumchi Dushan Vlaxovich yanvar oyidagi transfer oynasida klubini o‘zgartirishi mumkin edi.
Bu haqda AS jurnalistlari xabar berdi.
Manbaga ko‘ra, italyan grandi Dushanni Angliyaning top klublaridan biriga sotish bo‘yicha muzokaralar olib borayotgan edi. Tomonlar narxi 100-120 million yevroga baholangan bitimni muhokama qilishdi.
Muzokaralar muvaffaqiyatli tarzda yakunlanishiga oz qolgan, biroq so‘nggi daqiqada futbolchining agenti transferga to‘sqinlik qildi.
2022/2023 yilgi mavsumda Vlaxovich Italiya chempionatining 14 uchrashuvida ishtirok etgan. Hujumchi sakkizta gol urdi va ikkita golli uzatmani amalga oshirdi.
