Ҳуқуқлари Туриннинг «Ювентус» клубига тегишли бўлган сербиялик марказий ҳужумчи Душан Влахович январь ойидаги трансфер ойнасида клубини ўзгартириши мумкин эди.
Бу ҳақда AS журналистлари хабар берди.
Манбага кўра, итальян гранди Душанни Англиянинг топ клубларидан бирига сотиш бўйича музокаралар олиб бораётган эди. Томонлар нархи 100-120 миллион еврога баҳоланган битимни муҳокама қилишди.
Музокаралар муваффақиятли тарзда якунланишига оз қолган, бироқ сўнгги дақиқада футболчининг агенти трансферга тўсқинлик қилди.
2022/2023 йилги мавсумда Влахович Италия чемпионатининг 14 учрашувида иштирок этган. Ҳужумчи саккизта гол урди ва иккита голли узатмани амалга оширди.
